𝐖𝐚𝐬𝐢𝐢𝐫𝐤𝐚 𝐒𝐡𝐚𝐪𝐚𝐝𝐚 𝐢𝐲𝐨 𝐀𝐫𝐫𝐢𝐦𝐚𝐡𝐚 𝐁𝐮𝐥𝐬𝐡𝐚𝐝𝐚 𝐨𝐨 𝐌𝐮𝐪𝐝𝐢𝐬𝐡𝐨 𝐤𝐚 𝐟𝐮𝐫𝐚𝐲 𝐓𝐚𝐛𝐚𝐛𝐚𝐫 𝐥𝐨𝐨 𝐪𝐚𝐛𝐭𝐚𝐲 𝐒𝐡𝐢𝐫𝐤𝐚𝐝𝐚𝐡𝐚 𝐒𝐡𝐚𝐪𝐨𝐬𝐢𝐢𝐧𝐭𝐚 𝐃𝐢𝐛𝐚𝐝𝐝𝐚

𝐖𝐚𝐬𝐢𝐢𝐫𝐤𝐚 𝐒𝐡𝐚𝐪𝐚𝐝𝐚 𝐢𝐲𝐨 𝐀𝐫𝐫𝐢𝐦𝐚𝐡𝐚 𝐁𝐮𝐥𝐬𝐡𝐚𝐝𝐚 𝐨𝐨 𝐌𝐮𝐪𝐝𝐢𝐬𝐡𝐨 𝐤𝐚 𝐟𝐮𝐫𝐚𝐲 𝐓𝐚𝐛𝐚𝐛𝐚𝐫 𝐥𝐨𝐨 𝐪𝐚𝐛𝐭𝐚𝐲 𝐒𝐡𝐢𝐫𝐤𝐚𝐝𝐚𝐡𝐚 𝐒𝐡𝐚𝐪𝐨𝐬𝐢𝐢𝐧𝐭𝐚 𝐃𝐢𝐛𝐚𝐝𝐝𝐚

Muqdisho, Soomaaliya – Wasiirka Wasaaradda Shaqada iyo Arrimaha Bulshada Xukuumadda Federaalka Soomaaliya, Mudane Xildhibaan Yusuf Mohamed, ayaa maanta magaalada Muqdisho si rasmi ah uga furay tababar loo qabtay Shirkadaha Shaqosiinta Dibadda (Private Recruitment Agencies).

Tababarkan ayaa diiradda lagu saaray barashada Habka Caalamiga ah ee (𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐑𝐞𝐜𝐫𝐮𝐢𝐭𝐦𝐞𝐧𝐭 𝐈𝐧𝐭𝐞𝐠𝐫𝐢𝐭𝐲 𝐒𝐲𝐬𝐭𝐞𝐦 (IRIS) iyo ilaalinta xuquuqda shaqaalaha loo qaadayo dibadda, si loo hubiyo in shaqaalaha Soomaaliyeed lagu ilaaliyo sharciyada dalka iyo kuwa caalamiga ah.

Wasiirka Shaqada iyo Arrimaha Bulshada ayaa ku dhiirrigeliyay Shirkadaha Shaqosiinta Dibadda in ay ka faa’iideystaan tababarkan, isaga oo xusay in Wasaaraddu diyaar u tahay bixinta tababaro iyo tayeyn joogto ah, si shirkaduhu u gutaan waajibaadkooda shaqo si hufan oo waafaqsan heerarka caalamiga ah.

Sidoo kale, Wasiirka ayaa uga mahadceliyay Hay’adda IOM wada-shaqeynta dhow iyo taageerada joogtada ah ee ay siiso Wasaaradda Shaqada iyo Arrimaha Bulshada.

DHAMAAD