𝐇𝐞𝐬𝐡𝐢𝐢𝐬𝐤𝐚 𝐖𝐚𝐝𝐚-𝐒𝐡𝐚𝐪𝐚𝐲𝐧𝐭𝐚 𝐔 𝐝𝐡𝐚𝐱𝐞𝐞𝐲𝐚 𝐌𝐚𝐜𝐡𝐚𝐝𝐤𝐚 𝐁𝐚𝐝𝐪𝐚𝐛𝐤𝐚 𝐢𝐲𝐨 𝐂𝐚𝐚𝐟𝐢𝐦𝐚𝐚𝐝𝐤𝐚 𝐆𝐨𝐨𝐛𝐚𝐡𝐚 𝐒𝐡𝐚𝐪𝐚𝐝𝐚 𝐝𝐚𝐥𝐚𝐥𝐤𝐚 𝐒𝐨𝐦𝐚𝐥𝐢𝐚 𝐈𝐲𝐨 𝐌𝐚𝐥𝐚𝐲𝐬𝐢𝐚

Machadka badqabka iyo caafimaadka goobaha shaqada ee Wasaaradda Shaqada iyo Arrimaha Bulshada XFS (NIOSH Somalia) ayaa heshiis wada shaqayn iyo iskaashi la saxiixday machadka badqabka iyo caafimaadka goobaha shaqada ee dalka Malaysia (NIOSH Malaysia).   Heshiiskan waxaa wada saxiixay agaasimaha machadka badqabka Soomaaliya, Mudane Cumar Daahir Maxamuud, iyo agaasimaha machadka badqabka dalka Malaysia, Mudane Haji Ayop Salleh. Ujeedada heshiiskan waa in la xoojiyo badqabka iyo caafimaadka goobaha shaqada, iyadoo la adeegsanayo khibradaha Malaysia.   Heshiiskan wuxuu fursad u siin doonaa Wasaaradda in ay horumariso heerarka badqabka iyo caafimaadka goobaha shaqada, iyada oo la kaashanaya khubaro iyo farsamo yaqaano ka socda Malaysia. Heshiiskan ayaa dhaqan galintiisa bilaabi doona dhawaan, iyadoo shaqaalaha ka tirsan Waaxda Badqabka iyo Machadka Badqabka ay tababar ku soo qaadan doonaan dalka Malaysia.