Wasiirka Shaqada iyo Arrimaha Bulshada ee Xukuumadda Federaalka Soomaaliya, Mudane Xildhibaan H.E. Yusuf Mohamed Adan, ayaa maanta ka qeyb-galay xafladda qalin-jabinta dufcadda 15-aad ee Jaamacadda Plasma ee ka dhacday magaalada Muqdisho.
Wasiirka oo munaasabadda ka jeediyay khudbad kooban, ayaa hambalyo diirran u diray ardayda iyo waalidiintooda, isaga oo ku booriyay dhalinyarada in ay bartaan xirfadaha suuqa shaqada looga baahan yahay si ay door muuqda uga qaataan horumarinta dalka.
